Гэмтэл согог судлалын үндэсний төвөөс орчны тохижилтыг сайжруулах, үйлчлүүлэгчийн ая тухтай байдлыг хангах, тусламж үйлчилгээг түргэн шуурхай хүргэх зорилгоор Хүлээн авах, яаралтай тусламжийн тасгийн орц, гарцыг өргөтгөн шинэчиллээ.

  хүлээн авах хэсгийн орц, гарцыг өргөтгөснөөр гадаад болон дотоод орчны орон зай чөлөөтэй болж бүртгэлийн хэсэг, хүлээлгийн танхимын зохион байгуулалт сайжирсан.

  Тухайлбал, яаралтай тусламжийн 103, 105 болон тусгай тээврийн хэрэгслийн зогсоолыг чөлөөтэй болгох, үйлчлүүлэгчийг түргэн шуурхай зөөвөрлөх боломжийг бүрдүүлэн гадна хэсгийн тохижилтыг хийв.

 Мөн гэмтэж бэртсэн үйлчлүүлэгч болон тусгай хэрэгцээт иргэдэд зориулж бариул, уланд зуурагч зэргийг байрлуулан байгалийн гэрэлтүүлэг, агаар сэлгэлтийг нэмэгдүүллээ.Хүлээн авах яаралтай тусламжийн тасагт өдөрт 300-400 гаруй үйлчлүүлэгч тусламж үйлчилгээ авдаг бөгөөд нийтдээ 1000 гаруй хүнд үйлчилж байна.

Иймд үйлчлүүлэгчийг тав тухтай орчинд үйлчлүүлэх, эрүүл мэндийн тусламж үйлчилгээг чанар, хүртээмжтэй хүргэхэд чиглэсэн ажлуудыг шат дараатай авч хэрэгжүүлж эхэлсэн. Энэ хүрээнд 2022 онд Хүлээн авах яаралтай тусламжийн тасагт рентген аппарат шинээр суурилуулсан бөгөөд Хүүхдийн үзлэгийн өрөө, ЭХО үзлэгийн өрөөг нэмж байгуулсан юм.