Хууль зүй, дотоод хэргийн сайд асан Ц.Нямдоржийн зуслангийн байшинд хулгай орсон талаар бид өмнө нь мэдээлсэн. Тодруулбал, арванхоёрдугаар сарын 30-нд цагдаагийн байгууллагад “Зуслангийн байшинд хулгай орж, орон гэр тоносон байна” гэх мэдээлэл ирсэн байна. Дуудлагын дагуу Чингэлтэй дүүргийн цагдаагийн албан хаагчид шалгалтын ажиллагаа явуулж, хэрэг бүртгэл нээн шалгаж байгаа гэнэ.

      Энэ талаар ЦЕГ-ын Хэвлэл мэдээллийн төвийн мэргэжилтнээс тодруулахад “Ц.Нямдоржийн зуслангийн байшинд хулгай орсон нь үнэн. Одоогийн байдлаар хэчнээн төгрөгийн хохирол учирсан нь тодорхойгүй байна. Цагдаагийн албан хаагчид мөрдөн шалгах ажиллагааг явуулж байгаа. Одоогоор бусдын орон гэрт хууль бусаар нэвтэрсэн этгээдүүдийг баривчилсан гэх мэдээлэл ирээгүй байна. Шалгалтын ажиллагаа үргэлжилж байгаа учир тэдний гэрээс юу хулгайлагдсан болохыг хэлэх боломжгүй” гэлээ.