Баянзүрх дүүргийн 26 дугаар хороонд өнгөрсөн аравдугаар сард зам тээврийн ноцтой осол гаргасан Ч.Маралмаагийн шүүхийн урьдчилсан хэлэлцүүлэг өнөөдөр болно. Түүнд Эрүүгийн хуулийн тусгай ангийн 27.10 дугаар зүйлийн 2 дахь хэсэг 2.2 "Тээврийн хэрэгсэл жолоодох эрхгүй" , 2.4 "Их хэмжээний хохирол учруулж үйлдсэн бол тээврийн хэрэгслийг жолоодох эрхийг 1-3 жил хүртэл хугацаагаар хасаж, зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ" гэх заалтаар эрүүгийн хэрэгт яллагдагчаар татан шалгаж байгаа юм.

    Урьдчилсан хэлэлцүүлгийг Баянзүрх дүүргийн эрүүгийн хэргийн анхан шатны шүүхэд товложээ. Шүүхийн урьдчилсан хэлэлцүүлгээр яллагдагчийг гэм буруу, эрүүгийн хариуцлага хүлээхтэй холбоотой асуудлыг хэлэлцэхгүй. Харин шүүх хурлын товыг тогтоох юм.