Улаанбаатар төмөр замын Тээвэр зохион байгуулалтын албаны орлогч дарга С.Батдөлтэй холбоотой асуудлаар цагдаагийн байгууллагаас мэдээлэл өглөө.

     Энэ үеэр Эрүүгийн цагдаагийн албаны эдийн засагтай тэмцэх газрын дарга, цагдаагийн дэд хурандаа Б.Ганчулуун “Авлигатай тэмцэх газар, цагдаагийн байгууллагын Ажлын хэсгээс энэ оны нэгдүгээр сарын 5-нд Эрүүгийн хянан шийдвэрлэх хуульд заасан үндэслэл журмын дагуу хойшлуулашгүй ажиллагаа явуулж, нэгжлэгээр яллагдагч Б болон түүний хамаарал бүхий этгээдүүдийн гэр, орон сууцаас 7.3 тэрбум төгрөгтэй тэнцэх хэмжээний дөрвөн төрлийн валют бэлнээр хураан авсан. Мөн зургаан орон сууцны үл хөдлөхийн гэрчилгээ болон бусад эд зүйлсийг хураан авсан байгаа. Хэргийн холбогдогч Б-д Эрүүгийн хэрэг хянан шийдвэрлэх тухай хуулийн 18.6-д заасан мөнгө угаах, 18.3-т заасан татвар төлөхөөс зайлсхийх, 22.10-д үндэслэлгүйгээр хөрөнгөжих, 22.4 хахууль авах гэсэн зүйл ангиудаар холбогдуулан шалгалтын ажлыг хийж байна. Мөн өчигдөр сарын хугацаатай цагдан хорих арга хэмжээ авсан. Цаашид хамтарсан Ажлын хэсгийн хүрээнд  цагдаагийн байгууллага болон Авлигатай тэмцэх газрын прокурорын хяналтад ажиллаж байна” гэв.