УБТЗ-ын авлигын хэрэг, ажлын байрны дарамтын талаар мэдээлэл хийж байна. Энэ үеэр МТЗ-чдын үйлдвэрчний эвлэлийн холбооны дарга Б.Баяраа мэдээлэл хийлээ.
Тэрбээр “Төмөр замд үүсээд байгаа авлига болон ажлын байрны дарамт,  хариуцлага наймааны асуудал болсон талаар нийгэмд дуу хоолойгоо хүргэх гэж цугларсан. 2017 онд төрийн гурван өндөрлөгт албан бичиг хүргүүлж байсан. Төрийн оролцоотой төрийн компаниудын нийгэмд төлөвших, компанийн хөгжил дэвшилд улс төрийн нөлөө их шургалсан нь үүгээр харагдаж байна. Бид гурван жилийн өмнөөс эхлэн төмөр зам дээр вагон зарагдаад байгаа тухай тодорхой нэр зааж АТГ-д өгч, шалгуулж байсан. Тэр үед  УБТЗ-ын үйлдвэрчний эвлэлийн холбоо, тухайн үеийн захиргаа намайг буруутгаж, намайг хоёр ч удаа хууль хяналтын байгууллагат  өгч шалгуулж байлаа. Энэ вагон зарсан асуудал гэтэл авилгийн асуудал биш татвараас зайлсхийсэн асуудал болж хувирч байна. Төмөр замд дээр энэ асуудлыг зохицуулагч хийдэг хөдөлгөөн хариуцсан замын орлогч дарга н.Амарбаясгалан болон н.Цогт гэж залуу байгаа.  Энэ хоёр хүнтэй нэг удаа уулзахад надад  “Ачаа тээвэр хариуцдаг компаниуд чинь оочроо зараад байна. Хоёр, гурван хүнд зэрэг зарчхаад, оочир дайрсан асуудал болохоор энэ н.Амарбаясгалан даргын вагон гэж нэр зээлдэж байна. Яах ёстой вэ” гэсэн. Би энэ  асуудлыг дотоод хяналт, хуулийн албанд хэлж нэр төрөө цэвэрлэ гэж хэлсэн. Дарга нар вагон зарж байгаа асуудлыг мэдэж багаа хэр нь холбогдсон дарга нь энэ асуудалтай холбоотойгоор татвараас зугтаасан асуудал болгож хувиргах гэж байна. Тиймээс төмөр замын дээд албан тушаалтыг шалгах хэрэгтэй. УБТЗ-ын удирдах албан тушаалтнаас Оросын Холбооны Улсын гурван гишүүн, Монгол Улсын талаас гурван гишүүн байдаг. Монгол Улсаас Зам тээврийн дэд сайд ахалдаг. Хараат бус төлөөлөгч нь Цогт гэрэл гэж хүн бий. Энэ хүн Төмөр замтай ямар ч холбоо хамааралгүй хүн.  Сайдын гаргаж байгаа шийдвэр энгийн албан хаагчдад дарамт болж байна. Одоогийн байдлаар 20 гаруй дарга шинээр томилогдсон байна. Гэтэл энгийн ажилд шинэ ажилчин авч болохгүй байна. Хүнийг дарамталж байгаад ажлаас нь гаргаж байна”гэв.