Сэлэнгэ аймгийн Ерөө сумын нутаг дэвсгэр буюу улсын хилийн зурвас газарт 11 иргэн хууль бусаар нэвтэрч, самар  түүж байсан гэх мэдээлэл бий. Энэ талаар Хил хамгаалах Ерөнхий газрын  мэргэжилтнээс тодрууллаа. Тэрбээр “Энэ сарын 4-нд хилийн зурвас газар зөвшөөрөлгүй самар түүж байсан “Зил-131” автомашинтай 11 иргэнийг илрүүлсэн. Тодруулбал, тэднийг хууль бусаар хуш модны самар бэлтгэж байсныг Сэлэнгэ аймаг дахь Хилийн цэргийн 0243 дугаар анги, Цагдаагийн газар, Хан Хэнтийн улсын тусгай хамгаалалттай газрын захиргааны хамтарсан бүлэг илрүүлсэн. Тус иргэдийг орон нутгийн цагдаа нар үргэлжлүүлэн шалгаж байгаа” гэлээ.