УБТЗ-ын Тээвэр зохион байгуулалтын албаны орлогч даргa С.Батдөлийн гэр, түүний хамаарал бүхий этгээдийн объектоос долоон тэрбум төгрөг бэлнээр, гурван тэрбум төгрөгийн үл хөдлөх хөрөнгийн гэрчилгээ хураан авсан. Улмаар С.Батдөлийг 48 цагийн хугацаатай саатуулсан билээ. Гэвч Прокурорын байгууллагаас түүнийг нэг сар цагдан хорих саналыг шүүхэд хүргүүлжээ.

   Шүүхээс цагдан хорих эсэхийг шийдэх шүүх хурлыг маргааш буюу энэ сарын 9-ний өдрийн 10:00 цагт Баянгол дүүргийн эрүүгийн хэргийн анхан шатны шүүхэд товлосон байна.