УИХ-ын гишүүн О.Цогтгэрэл, Д.Ганбат нар өчигдөр хувийн асуудлаас болж зодолдсон. УИХ-ын гишүүн О.Цогтгэрэл өчигдөр болсон маргаан, зодооны талаар мэдээлэл өглөө. Тэрбээр “УИХ-ын гишүүн Д.Ганбат хувийн шинжтэй ойлгомжгүй зүйл хэвлэлээр ярьсан байна лээ. Тухайлбал, намайг Эрүүгийн гэмт хэргийг зохион байгуулсан мэтээр ярьсан байна. Надтай нэр холбогдуулан ярьсан хүмүүстэй нь би уулзаж үзээгүй. Тийм учир битүүлэг зүйл ярьсан байхаар нь өчигдөр таараад юу яриад байгааг нь тодруулж, маргалдсан. Тэгээд Д.Пүрэвдорж гишүүний өрөөнөөс гарсан. Өөр зүйл болоогүй” гэлээ.