"Өргөө" амаржих эмнэлгийн гадаа машиндаа төрсөн эхийн талаарх мэдээлэл, дүрс бичлэг  цахим сүлжээнд гаргасан билээ. Тухайд өдөр жижүүрт гарч байсан эмч нар энэхүү тайлбарыг өглөө.
    Тэрбээр “Эх болон нярайн биеийн байдал хэвийн байгаа. Тухайн аав бага зэргийн буруу ойлгосон юм шиг байна лээ. Хэрэв тэр өдөр төрөх гэж байгаа эх ороод ирсэн бол бид царайг нь хараад “Ямар өвдөлттэй байгаа вэ, төрөх болсон болоогүй” гэдгийг мэдэх боломжтой байсан. Аав нь эхнэрээ оруулаад ирсэн бол болох байсан юм гэж бодож байгаа. Манай эмнэлэг зохих тусламж, үйлчилгээг үзүүлсэн. Төрөх явцад ямар нэгэн асуудал гараагүй. Машин дотор эх баригч эмч ээжийг төрүүлээд урд хүлээн авах хаалгаар авсан. Хүлээн авах дээр яаралтай тусламжийн баг бэлэн байж ажилласан. Төрөх өрөөний эмч амаржсан ээжийн төрөх замыг шалгаж, дулаацуулан бүх яаралтай арга хэмжээг авсан. Мөн нярайн эрчимт эмчилгээний эмч нар тусламж үзүүлсэн. Автомашин дотор олон хүн байсан учраас  хаалга бага зэрэг онгорхой машинд хүйтэн агаар орж ирсэн. Тухайн аав машиныхаа хаалга, цонхыг онгойлгосон. Бид “Та машиныхаа хаалга, цонхыг хаах хэрэгтэй. Яаралтай тусламж үзүүлж байна” гэж хэлсэн гэв".