Өргөө амаржих газар төрөлжсөн мэргэшлийн эмнэлгийн гадна машиндаа төрсөн гэх мэдээлэл цахим орчинд түгсэн. Тэгвэл уг өдөр жижүүрт гарч байсан эх баригч эмч тайлбар хийлээ.

   Тэрбээр“Тухайн өдөр нөхөр нь орж ирээд, “Хүн үзүүлэх гэсэн юм хүлээн авах нь мөн үү, машинд өвдөөд байгаа” гэж хэлсэн. Бид хаяг, даатгалыг шалгахад, аав нь регистрийг нь мэдэхгүй байсан. Тэгээд гүйж гараад, буцаж орж ирэхдээ “Толгой нь гарчихсан байна” гэсэн. Надад төрөх нь дөхсөн байна гэх ойлголтыг өгөөгүй. Нөхөр нь тэгж хэлэхэд л би толгой нь цухуйсан гэх мэдээллийг авсан. Бусад төрөх нь дөхсөн эхчүүдтэй адилхан гэж бодсон. Тэгээд би ойрхон бээлийгээ аваад гарсан. Аав нь машинаа хашааны гадаа байрлуулсан байсан учир олох гэж удсан. Эмнэлэг рүү дамжих хүртэл хажууд нь байж тусламж үзүүлсэн" гэлээ.