Үндэсний эрх чөлөө, тусгаар тогтнолоо сэргээн мандуулсны 111 жилийн ойд зориулсан Монгол Улсын Ерөнхийлөгчийн нэрэмжит цомын төлөөх улс, аймгийн алдар цолтой шилдэг 128 бөхийн барилдаан энэ пүрэв гарагт болно. 

      Өнгөрсөн жилийн тус барилдаанд Увс аймгийн Давст сумын харьяат, улсын аварга П.Бүрэнтөгс, Хөвсгөл аймгийн Тосонцэнгэл сумын харьяат, улсын арслан Ц.Содномдорж тэргүүтэй 128 бөх барилдсанаас Ховд аймгийн Зэрэг сумын харьяат, улсын заан Б.Бат-Өлзий харцага цолтойдоо түрүүлж, Архангай аймгийн Цэнхэр сумын харьяат, улсын гарьд М.Бадарч үзүүрлэж байсан билээ.