БШУЯ-ын сайд Л.Энх-Амгалан инновацийн тэтгэлэг хүртсэн докторуудад нэрэмжит шагналаа гардуулан өглөө. 

      2011 оноос эхлэн үе үеийн сайдууд шинэлэг, бүтээлч санаа дэвшүүлсэн залуу судлаач, докторуудыг шалгаруулан тэтгэлэг гардуулж ирсэн уламжлалтай. Өнөөдрийг хүртэл нийт 126 судлаач энэхүү тэтгэлгийг хүртээд байгаа юм.

    Энэ оны хувьд тэтгэлгийн уралдаанд эрдэм шинжилгээний хүрээлэн, их дээд сургууль, хувийн хэвшлийн байгууллагаас нийт 52 судлаач төслөө дэвшүүлжээ. Үүнээс арван залуу судлаачийн төсөл шалгарч, ийнхүү өнөөдөр тэтгэлгээ гардан авлаа. Эдгээр докторт тус бүрд нь арван сая төгрөгийн тэтгэлэг олгож, батламж гардуулав.

        Судлаачид эко цул модон цомыг Монгол оронд зонхилон ургадаг Хавтаг навчит хус, Эгэл нарс, Сибирь шинэс болон Сибирь хуш модоор үелэн нааж ШУТИС-ийн Ой мод, сургалт, судалгааны хүрээлэнд хийжээ. Энэ нь ойн хаягдал, үхмэл модоор экологийн цэвэр бүтээгдэхүүн гарган авах туршилт судалгааны ажил хийсэн аж.