Гаалийн ерөнхий газраас нүүрсний хулгайн хэрэгтэй холбоотой мэдээлэл хийлээ. 

      Энэ үеэр Гаалийн ерөнхий газрын дэд дарга Г.Энхтайван “2010-2011 оны долдугаар сарын 01-ны өдөр хүртэл 30758 тээврийн хэрэгслээр тээврлэсэн  379 мянган тонн нүүрсийг гаалийн бүрдүүлэлт хийлгүй улсын хилээр гаргасан байж болзошгүй үйлдлийг гаалийн ерөнхий газрын дэргэдэх бүрдүүлэлтийн дараах шатны албан хаагчид илрүүлсэн. Мөн 2013-2017 оны хооронд нүүрс тээвэрлэгч 86 аж ахуй нэгжийн 2527 тэвэрийн хэрэгсэл улсын хилээр гарсан бүртгэлтэй. Таван толгой хувьцаат компани экспортын бүрдүүлэлт хийж гаргасан нүүрсний тоо хэмжээ нь тус компанитай худалдах, худалдан авах гэрээ байгуулсан 21 аж ахуй нэгж гэрээнд заасан тоо хэмжээнээсээ нэг сая тонн нүүрс илүү экспортолсон. 12 аж ахуй нэгж эх үүсвэр тодорхойгүй, гэрээгүй 515 мянган тонн нүүрс экспортолсон зэрэг асуудлыг нягтлан шалгуулахаар эдийн засгийн гэмт хэрэгтэй тэмцэх газарт 2018 оны долдугаар сарын 17-ны өдөр шилжүүлсэн. Энэ нь гаалийн байгууллага гэрээний үйл явцад хяналт тавьсан. Гэтэл гэрээгүй нүүрс хилээр гарсан байсан.  Үүнд хариуцлага алдсан гаалийн байгууллагын албан тушаалтнуудыг хуулийн байгууллагад шалгуулна. Мөн БНХАУ-ын талаас зарим асуудал ил болбол манай талаас тулгалт хийж буруутай этгээдийг тогтооно” гэв.