Төрийн ордонд өнөөдөр буюу арванхоёрдугаар сарын 21-ны өдөр нүүрсний экспорт, тээвэрлэлттэй холбоотой асуудлаар нээлттэй сонсгол зохион байгуулж байна. Нээлттэй сонсголын үеэр иргэд асуулт асууж,  УИХ-ын гишүүд болон холбогдох байгууллагын алба хаагчид хариулт өгч байна. Энэ үеэр жагсагч Г.Ирээдүй  үзэл бодлоо илэрхийллээ.

         Тэрбээр "Аливаа зүйлс өөрийн гэсэн дотоод дэг журамтай байх ёстой. Ард иргэд маань үүнийг ойлгож тайван оролцоорой. Бид бүхэн энд  үр дүнд хүрэх гэж ирсэн. Жагсаж буй иргэд хоорондоо хагаралдаагүй, эв найртай байна иргэдийг битгий тэнэг гэж бодоорой. Надад ганцхан асууулт байна. Нүүрсний хулгайн хэргийг Засгийн газраас аль хоёр сарын өмнөөс мэдэгдсэн. Хамгийн их дуугарч, үг хэлсэн хүн бол Т.Доржханд гишүүн юм. Би таниас ганцхан л асуулт  асууя. Гадаа байгаа иргэд 40 их наяд юм уу, 440 их наяд юм уу. Төсөвт учирсан хохирол нь арван их наяд юм уу гэдгийг мэдэхгүй байна. Энэ тал дээр та ямар ч тайлбар хийхгүй байгаа. Ард иргэд төөрөгдөлд орж байна. УИХ-ын гишүүн Т.Доржханд  яаралтай мэдээлэл хийхгүй бол ойлгомжгүй байдал үүсээд байна шүү" гэлээ.