Нүүрсний экспорт, тээвэрлэлтийн асуудлаар нээлттэй сонсгол үргэлжилж байна. Энэ үеэр жагсагчдын төлөөл болсон Б.Бат-Очир үзэл бодлоо илэрхийллээ.

Тэрбээр “Би 18 дахь өдрөө жагсаалд оролцож байна. Одоо ч Сүхбаатарын талбай дээр жагсал үргэлжилж байгаа. Жагсаалын үеэр цэргийн хувцастай хүмүүс ирж, халдагчидтай харьцаж байгаа юм шиг хамгаалалтад гарч байна. Үүдэнд үзэл бодлоо илэрхийлж, одоо хоосон байгаа суудал дээр суухын гэж ирсэн жагсагчдыг цагдаагийн байгууллага, төрийн албаныхан баривчлан авч явж байна. Энэ хүмүүс галзуу хүмүүс биш, Монгол Улсын иргэн ядарсан ард иргэд чинь яах аргагүй, тэсэхээ больсон учраас Төрийн ордны урд 18 хоног хонолоо. УИХ-ын гишүүд урагшаа хараад сууж байна. Бид уг нь энэ хүмүүсээс юм асуух гэж ирсэн шүү дээ. Та нар тайз засчхаад тушааж харьцаад байх юм. Сонсгол зохион байгуулж, та бүхний хийсэн хэргийг шүүж асуух гэж ирсэн. Энэ хүмүүс бидний урдаас харж суугаад асуултад хариулах ёстой. Та нар дарга биш. Танхимд сууж байгаа хүмүүсийг олгосон боломжоор энд эрх ямба эдэлж байгаа. Амьдрал нь боломжгүй болсон ирээд бухимдлаа илэрхийлэх гэж энд сууж байна. Иргэд дуу хоолойгоо хүргэх гэж ирсэн болохоос та нарыг яриаг сонсох гэж ирээгүй. Хүний эрхийг мэдрэмжгүй хүйтэн, цэвдэг төртэй болсон байна. Залуучууд эрх орондоо ажил хийж, авсан цалин нь амьдралд хүрэлцээд, илүү гоё зүйлийг мөрөөдөхийг хүссэн. Үр хүүхдээ сургуульд сургахыг хүсэж бан. Гэхдээ сугалаагаар биш. Жагсагчдыг оруулж ирэхийг шаардаж байна. Иргэдийн хувьд хууль хатуу байна. Харин хэрэгт холбогдсон УИХ-ын гишүүн бүрэн эрхтэй байдаг” гэв.