Сонгинохайрхан дүүргийн нутаг дэвсгэр дэх гэрээсээ өнгөрөгч амралтын өдөр “Усанд орохоор явсан 15 настай дүү минь сураггүй алга боллоо, бусдад хулгайлагдсан байж болзошгүй зурвас ээждээ бичсэн” гэх мэдээлэл цахим орчинд түгсэн. Тэгвэл энэ тухай дуудлага арванхоёрдугаар сарын 19-ны өдөр цагдаагийн байгууллагад иржээ. Дуудлагын дагуу цагдаагийн байгууллагаас охиныг шуурхай эрэн сурвалжилж арванхоёрдугаар сарын 20-ны өдрийн 20:00 цагт эсэн мэнд олж, ар гэрт нь хүлээлгэн өгсөн байна. Мөн цагдаагийн байгууллагаас охиныг хулгайлагдсан нөхцөл байдал үүсээгүй гэдгийг баталжээ.