Цаг уур орчин шинжилгээний газрын цаг уурын инженер Д.Амарцэцэгээс ойрын тав хоногийн цаг агаарын байдлын талаар тодрууллаа.

   Тэрбээр “Одоогоор хүйтний эрч сулрах төлөвтэй байгаа. Энэ сарын 23-нд баруун аймгуудын нутгийн зарим газраар, 24-нд баруун аймгуудын ихэнх нутаг, төвийн аймгуудын нутгийн баруун хэсгээр, 25-нд төв болон зүүн аймгуудын ихэнх нутаг, говийн аймгуудын нутгийн хойд хэсгээр цас орж, цасан шуурга шуурах төлөвтэй байгаа. Эдгээр өдрүүдэд  цаг агаар хамгийн хүйтэндээ өдөртөө -18...-23 хэм хүйтэн байна. Баруун аймгуудын нутгаар цас ихтэй, өвөлжилт хүнд байгаа. Цаг уур орчин шинжилгээний газраас 24,25-ны өдрүүдэд цасан шуурганаас болгоомжлохыг анхааруулж байна” гэв.

Б. Энхжаргал