Архангай аймгийн Засаг даргаар сонгогдож буй Ц.Амаржаргалыг иргэд “Сургууль төгсөөгүй, ямар ч боловсролгүй байж аймгийн Засаг дарга боллоо” хэмээн шүүмжилж байгаа. Энэ талаар Ц.Амаржаргалаас тодрууллаа. Тэрбээр “Архангай аймгийн Засаг дарга нар олон удаа солигдож байгаа. Би сүүлийн сонгуульд 2-3 хүнтэй нэр дэвшиж, сонгогдсон. Тиймээс өнгөрсөн баасан гарагт бичиг баримтаа бүрдүүлж, Ерөнхий сайд руу илгээсэн. Ерөнхий сайд гарын үсэг зурж, намайг Архангай аймгийн Засаг даргаар батламжлах юм бол би албан ёсоор аймгийн Засаг дарга болно гэсэн үг. Улс төрийн өрсөлдөөнөөс гарч ирсэн болохоор хүмүүс намайг "Боловсролгүй" хэмээн харлуулж байна. Хэрвээ би албан ёсоор Засаг дарга болох юм бол нэгдсэн байдлаар мэдээлэл өгнө” хэмээн ямар сургууль төгссөн тухайгаа мэдээлэхээс татгалзсан юм.