Төв талбайд жагсаж буй иргэдэд барьж өгсөн гэр хүйтэн, хэлэлцүүлэг хийж олон хүн цуглахад тохиромжгүй учраас Соёлын төв өргөөг нээж өгөх хүсэлтийг жагсагчдаас Нийслэлийн Засаг даргын тамгын газарт тавьсан. 

    Тэгвэл уг хүсэлтийн дагуу өнөөдрөөс СТӨ-г нээж байгааг Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө жагсагчидтай уулзан мэдэгдлээ.

    Ингэхдээ жагсагчдад СТӨ-г орж хоноглохоос илүүтэй өөрсдийн эрүүл мэнд, аюулгүй байдлыг хангаж, өөр хоорондоо хэлэлцэж нэгдсэн нэг үзэл бодол, байр суурь, шаардлагатай болохдоо ашиглахыг санал болгож байгаа аж. СТӨ-д нийтдээ гурван өрөөг суллан бэлдсэн байна. Тухайлбал, хоёр өрөөнд нь эрүүл мэндийн газрын алба хаагчид, цагдаагийн алба хаагчид байрлахаар болсон бол үлдсэн нэг өрөөнд жагсагчдыг оруулахаар болжээ.