Баян-Өлгийн аймгийн Цэнгэл суманд Орон нутгийн Хөгжлийн сангийн хөрөнгөөр долоон метрийн урттай гүүр барьжээ. Тус гүүрийг иргэд их хэмжээний мөнгөөр барьсан хэмээн шүүмжилж байгаа.

      Энэ талаар Цэнгэл сумын Засаг дарга Т.Айтуганаас тодрууллаа. Тэрбээр “Орон нутгийн Хөгжлийн сангийн төсвөөр гүүр барихын тулд иргэдээс санал авсан. Манай сумын тавдугаар багийн иргэд “Шар булаг” голыг үерлэхээр бид морь, мотоциклтой гарч чаддаггүй байсан. Тиймээс иргэдийнхээ саналын дагуу мэргэжлийн хүмүүсээр зураг, төслийг нь гаргуулж, долоон метр гүүрийг 15 сая төгрөгөөр барьсан. Зураг төслийн дагуу “Сумд айраг, малчин хөгжил” хэмээх нутгийн иргэдийн хоршоотой гэрээ байгуулж, хийлгэсэн. Тус гүүрийг есдүгээр сард 20-оод хоногт барьсан. Харин тус гүүрийг  УИХ-ын гишүүн Х.Баделхантай болон түүний  хамаарал бүхий компанитай бариагүй. Иргэд гүүртэй болсондоо баяртай байгаа” гэв.