Улан-Үдэ хотын нисэх онгоцны буудалд орон нутгийн нисэх онгоцны үйлдвэрт үйлдвэрлэсэн Ми-8 загварын нисдэг тэрэг унаж осолжээ. Эх сурвалжийн мэдээлснээр нэр нь тодорхойгүй захиалагчид зориулагдсан нисдэг тэрэг газардах үедээ осолдсон байна. Ослын улмаас нисгэгч, техникч, инженер гурван хүн нас барсан бол онгоцонд зорчигч байгаагүй байна. Харин хэрэг гарахын өмнөх өдөр Улан-Үдэ хотын нисэх онгоцны үйлдвэрт ОХУ-ын Онцгой байдлын яамны сайд Александр Куренков ажлын айлчлалынхаа үеэр зочилсон.  Энэ хэрэг орон нутгийн цагаар 15:20 цагт болжээ.  Буриад  Улсын эрх баригчид амь үрэгдэгсдийн ар гэрийнхэнд 1 сая рублийн материаллаг тусламж үзүүлнэ гэж мэдэгдээд байна.

      Ослыг нүдээр үзсэн гэрчүүдийн бичлэгээс үзвэл, Байкал нисэх онгоцны буудалд газардахын өмнө нисдэг тэрэг тухайн газар дээгүүр хяналтаас гарч өөрийн тэнхлэгээ тойрон эргэлдэж байгаад осолдсон байна. Байкал нисэх онгоцны буудлын захирал Дмитрий Гармаевийн мэдээлснээр энэ явдал нисэх буудлын үйл ажиллагаанд нөлөөлөөгүй.  “Энэ хэрэг удирдах зам дээр болсон.  Нислэгийн зурваст нөлөөлөөгүй, нислэгүүд хуваарийн дагуу хэвийн явж байна” гэсэн байна.

Эх сурвалж: Коммерсант