Монголын “Изнис Эйрвэйз” агаарын тээврийн компани БНХАУ-аас ОХУ руу 50 тонн зэвсэг зөөхөөр тээвэрлэж явсан гэх мэдээлэл гаднын хэвлэл мэдээллийн хэрэгслээр гарсан. Тэгвэл тус асуудлаар Зам тээвэр хөгжлийн сайд С.Бямбацогт мэдээлэл хийлээ. 

    Тэрбээр “Өнгөрсөн сард Изнис Эйрвэйз компани  ачаа тээврийн зорилулттай Айробус 330-200 өргөн биетэй том онгоц оруулж ирсэн. Үүгээр улс дотор болон гадаадад транзит ачаа тээвэрлэхээр зөвшөөрөл авсан. БНХАУ-ОХУ ачаа тээврлэх зэрэг олон төрлийн зөвшөөрөл авсан. Ингэхдээ ОХУ-руу ачаа бараа тээвэрлэхээр болбол тодорхой олон улсын байгууллага болон бусад байгууллагуудын зөвшөөрлийг авах ёстой. Үүний дагуу Лондонгийн даатгалын компанид даатгуулж, тээвэрлэж байгаа ачааны жагсаалт гарган танилцуулж тээвэрлэх ёстой гэж гэрээ байгуулсан. Үүүний дараа жагсаалтыг Лондон руу явуулж, даатгалын компанидаа шалгуулсан. Энэ явцад даатглын компаниас танай ОХУ-руу тээвэрлэх гэж байгаа ачаанд  хоёрдмол шинж чанартай ачаа байж болзошгүй байна. Ийм учраас нисэх зөвшөөрөл өгөхгүй гэсэн. Хоёрдмол шинж чанартай ачаа гэдэг нь иргэний болон цэргийн зориулалттай ачааг хэлж байгаа юм. Үүнтэй холбоотой Зам тээвэр хөгжлийн яам ачааг шалгах ажлын хэсэг байгуулан ажиллаж байна. Хэрвээ энэ ачаа зөвшөөрөлгүй ниссэн бол томоохон эрсдэл үүсэх байсан. Гэхдээ бид яаралтай хяналт шалгалтын ажлыг эхлүүлсэн учир тодорхой эрсдэл учраагүй байна. БНХАУ-аас ирэхдээ иргэний зориулттай ачаа байна гэж зөвшөөрөлтэй ниссэн. Монгол Улсад ирээд даатгалын компанид жагсаалтаа өгч ОХУ руу нисэх зөвшөөрөл хүссэн ч дээрх шалтгааны улмаас нислэгийг цуцалсан. Хэрвээ зөвшөөрөхгүй бол буцаагаад БНХАУ руу тээвэрлэнэ” гэлээ.