Цасан шуурганы улмаас Сүхбаатар аймгийн Дарьганга сумын долдугаар заставаас Наран сумын Сүүжийн дэрс харуулын пост хүртэл  мал уруудаж, хилийн торонд тулсан гэх мэдээлэл бий. Энэ талаар Сүхбаатар аймгийн Наран сумын Засаг дарга Л.Очоос тодрууллаа. Тэрбээр “Энэ сарын 12-нд цас орж, цасан шуурга болсон. Тиймээс 7-6 застав хүртэл 10 мянга гаруй адуу, 500 гаруй үхэр уруудаж, хилийн торонд тулсан байсан. Заставын удирдлагуудтай нөхцөл байдлын талаар ярилцаж, хилд тулсан бод малыг иргэдэд дуулгаж, олон нийтийн сүлжээнд зураг байршуулсан. Тиймээс малчид малаа татаж байгаа. Манай суманд өвөлжилт хүндэрч байгаа. Айлууд оторт явсан учир мал тооллогоо хийгээгүй байгаа” гэв.