Шинэ жилийн баярын өдрүүд үргэлжилж, тун удахгүй он солигдох торгон мөч ойртсоор. Энэ л өдрүүдэд айл, хувь хүн, албан газрууд гэр, офиссдоо шинэ жилийн уур амьсгал оруулахаар хэрхэн чимэглэх эрэлтэд гардаг. Тэгвэл бид таны эрэлтэд туслахаар дараах таван зөвлөгөөг хүргэж байна.

-ЦААСАН ЦАСАН ШИРХЭГҮҮД-

   Шинэ жилийн баяр гэхээр л саа, цацаг, гацуур мод гэсэн ойлголтоор хязгаарлагдаж болохгүй. Харин ч гар доорх, өөрт ойр материалаар гэртээ шинэ жилийн уур амьсгал оруулах боломжтой. Тухайлбал, өнгийн цаасаар янз бүрийн амьтан нугалан хийж, мөнхүү цагаан цасаар цасан ширхэг ч хийж болно. Мөн цаасаар ил захидлан чимэглэл хийж болох байна. Мөн ханандаа гацууран хэлбэр үүсгэн наагаарай.

-ҮСЭГ ҮСГЭЭР НЬ ЭВЛҮҮЛДЭГ ТОГЛООМ-

  Мөнхүү тоглоом ашиглан шинэ жилийн баяраа тэмдэглэж болох байна. Тухайлбал, үсэг үсгээр нь эвлүүлдэг тоглоомыг хананд нааснаар мөн чимэглэл хийх боломжтой. Мөн үсгэн хэлбэрээр хайчилж, цонх болон тавиураа чимж болох аж.

-ФОТО ЗУРАГТАЙ БӨМБӨЛӨГ-

   Дурсгалтай байх зорилгоор фото зурагтай бөмбөлгийг таазнаас зүүх, гацуур модоо чимэглэх зэргээр гэрээ чимэглэвэл илүү амьд харагдана. Мөнхүү бага насны зураг, хамгийн нандин үеийнхээ зургийг хийгээд чимэглэхэд илүү чамин, өнгөлөг, гэгээлэг харагдах юм.

-ӨНГӨТ ЛАА-

   Лаа бол сайхан энергийг ойр орчимдоо түгээж, сайн сайхныг бэлгэддэг. Энэ ч утгаар шинэ жилийнхээ баярын ширээ болон гэрийн тавиураа өнгийн лаагаар чимэх бүрэн боломжтой. Дулаан мэдрэмж төрүүлэхээс гадна өнгөлөг, гэгээлэг мэдрэмжийг өгнө. Мөнхүү аз жаргал, баяр баяслыг төрүүлэх юм.