МАН-ын Бүлэг цаг үеийн асуудлаар мэдээлэл хийлээ. Энэ үеэр МАН-ын Бүлгийн дарга Д.Тогтохсүрэн “Ерөнхий сайд, ХЗДХ-ийн сайд нар жагсагчдын шаардлагыг хүлээн авч яаралтай хэрэгжүүлэхээр арга хэмжээнүүдийн талаар бидэнд мэдээлсэн. Жагсагчид хамгийн түрүүнд нүүрсний хулгайчдад хариуцлага тооцохыг шаардаж байгаа. Тиймээс МАН-аас Ерөнхий сайдын санаачилгыг хүлээн авч, гурван арга хэмжээг яаралтай хэрэгжүүлэхээр болсон. Тухайлбал,  Засгийн газрын зүгээс Эрүүгийн хуульд өөрчлөлт оруулж, ялын бодлогыг чангатгах хэрэгтэй гэж үзсэн Эрүүгийн хууль, Эрүүгийн хуулийг хянан шийдвэрлэх хуульд ямар өөрчлөлт оруулж болох  талаар гурав дах өдөр хуралдахаар болсон. Мөн Байгалийн баялгийг анхааралдаа авч үүнтэй холбоотой Төрийн өмчийн гурван хуулийг УИХ яралтай хэлэлцэх ёстой. Тиймээс дээрх хуулиудыг ирэх долоо хоногт багтаж шийдэх ёстой гэж Засгийн газрын зүгээс үзсэн. Гуравдугаарт, ҮАЗБ-өөс зөвлөмж гаргаж, гэрээ хийсэн асуудал сүүлийн 10 жил үргэлжилсэн. Үүнийг өөрчилж аливаа гэрээ байгуулахдаа хуулиар шийдэж, ил тод болих хэрэгтэй” гэлээ.