Хуримын ёслол бол бидний амьдралд тохиох олон сайхан үйл явдлын нэг. Цагаан даашинз өмсөөд сүйт залуу дээрээ очно гэдэг охид бүрийн багын мөрөөдөл юм. Энэхүү дахин давтагдашгүй нандин өдөртөө зориулж нэлээдгүй хөрөнгө зарцуулсан эрхмүүд цөөнгүй.Тэгвэл  дэлхийн хамгийн их зардлаар хийгдсэн АРВАН хуримыг танилцуулж байна.

10. Жорж Клуни, Амал Аламуддин - 4.6 сая ам.доллар

Жорж Клуни, Амаль Аламуддин нар дэлхийн хамгийн үнэтэй хуримын нэгийг зохион байгуулуулж тухайн үедээ  шуугиан тарьсан. Жорж, Амал хоёр Венец хотод гэрлэхээр шийдсэн бөгөөд хуримд уригдсан бүх зочдынхоо зардлыг өөрсдөөсөө гаргаж байжээ. Энэ нь хуримын төсвийн ихэнх хэсгийг зочдоо тансаг “Cipriani” зочид буудалд байрлуулахад зарцуулсан гэсэн үг юм. Тус хуримын хүлээн авалт нь “The Aman”-д болсон ба  энэ нь нэлээд үнэтэй боловч тэдний алдартай зочдын жагсаалтад хамгийн тохиромжтой газар байсан юм.

9. Челси Клинтон, Марк Мезвински - 5 сая ам.доллар

АНУ-ын ерөнхийлөгчийн охин, Төрийн нарийн бичгийн дарга асан Челси Клинтон 2010 онд хөрөнгө оруулалтын банкир Маркт  Мезвинскитой  хуримаа хийжээ. Тус хуримын зочид лимузин автомашиныг хөлөглөн ирэх үед Хадсоны хөндийн дээгүүр нислэгийн хориотой бүс тогтоож, ойр орчмын замуудыг хаасан гэдэг.  Хуриманд Опра Уинфри, Стивен Спилберг, Том Хэнкс, Барбра Стрейзанд зэрэг алдартан багтсан  500 гаруй зочин иржээ.

8. Уэйн Рүүн, Колин Маклофлин нар - 8 сая ам.доллар

Манчестер Юнайтед багийн хөл бөмбөгчин Уэйн Рүүни 2008 онд Италийн Генуя хотын ойролцоох Сервара сүмд  Колин МакЛофлинтой гэрлэжээ. Ирландын “Westlife” хамтлагийн тоглолт хийх төлбөр  670,000 ам.долларын үнэтэй бөгөөд хосуудын хуримын  ёслолд ирж үзүүлбэр үзүүлж байжээ. Ронни 64 зочдоо хуримын ёслолд авчрахын тулд  таван хувийн нисэх онгоцтой болсон байна. Тэд газар дундын тэнгисийн Санта Маргерита Лигурэ амралтын газарт байрлах XVII-р зууны үеийн Вилла Дуразцо ордонд хосууд хуримаа хийсэн юм.

7. Вират Кохли, Анушка Шарма - 10 сая ам.доллар

Энэтхэгийн крикетийн ахлагч Вират Кохли болон шүтэн бишрэгчдийнхээ дунд Вирушка нэрээр алдаршсан Болливудын од жүжигчин Анушка Шарма нар 2017 онд Италийн Тоскана дахь 800 жилийн түүхтэй тансаг зэрэглэлийн амралтын газарт хуримын ёслолоо хийж байжээ. Вират Колли, Анушка Шарма нар тус улсын хамгийн алдартай загвар зохион бүтээгч Сабьясачигийн урласан хувцас өмссөн юм.

6. Ким Кардашиан, Канье Уэст - 12 сая ам.доллар

Кимье Уэст тансаг хуримд яг хэдийг төлснийг хэн ч мэдэхгүй ч 12-20 саяын хооронд байсан байх магадлалтай хэмээн үздэг.  Тус арга хэмжээ Итали, Францын хотуудад болж  400 мянган ам.долларыг зарцуулсан бол Кимийн “Givenchy” брэндийн даашинзанд 500 мянган доллар зарцуулжээ. Мөн хуримын зочдоо хүргэж өгөх  байрны зардал болон зочдын нэрийг сийлсэн гантиг ширээнд суулгахын тулд бараг 5000 ам.долларыг зарцуулсан байна.

5. Ханхүү Уильям, Кейт Миддлтон нар - 34 сая ам.доллар

Ханхүү Уильям, Кэтрин Миддлтон нарын хурим 2011 оны дөрөвдүгээр  сарын 29-нд Их Британийн Лондон хотын Вестминстер сүмд болсон бөгөөд  ханхүү Уильям Их Британийн хаан ширээг залгамжлах хоёр дахь хүн байв. Тэд 2003 оноос хойш болзож байжээ.

4. Приянка Чопра, Ник Жонас нар - 40.8 сая ам.доллар

2018 онд Америкийн дуучин, ая зохиогч Ник Жонас, дэлхийн мисс, Энэтхэгийн жүжигчин Приянка Чопра нар христийн шашны ёслолоор Жодхпур дахь “Таж Умайд Бхаван” таван одтой зочид буудалд хуримласан юм. Хосууд 2018 оны арваннэгдүгээр  сарын 29-өөс арванхоёрдугаар сарын 3-ны өдрийг хүртэл зочид буудалыг бүтнээр нь түрээслэж байжээ.

3. Ваниша Миттал, Амит Бхатиа - 66 сая ам.доллар

Ваниша Миттал бол дэлхийн хамгийн баян хүмүүсийн нэг Лакшми Митталын охин юм. Тэд 2004 онд хурын ёслолоо хийж байв. Хосууд Парисын ойролцоох 17-р зууны түүхэн “Chateau Vo le Vicomte”-д гэрлэжээ. Хурим болохоос өмнө хосууд Версалийн ордонд сүй тавьсан юм. Жүжигчин  Кайли Миноуг  тэдний хуримд хагас цаг тоглолт хийснийхээ төлөө 330 мянган ам.долларын цалин авчээ.

2. Иша Амбани, Ананд Пирамал - 100 сая ам.доллар

“Reliance Industries Ltd”-ийн ТУЗ-ийн дарга Мукеш Амбанигийн охин Иша Амбани 2018 онд Мумбайд амьдардаг тэрбумтан аж үйлдвэрчин Ажай Пирамалын хүү Ананд Пирамалтай гэрлэжээ. Тэдний гэрлэлтийн зардалд олон арван захиалгат нислэгээс эхлээд , тансаг зэрэглэлийн машинууд нь хүртэл зардал өндөртэй байв.  Хуримын өмнөх арга хэмжээнд оролцох  зочдодоо зориулж таван одтой зочид буудлуудыг хүртэл  захиалсан юм.

1. Ханхүү Чарльз ба Диана - 110 сая ам.доллар

Одоогоос 40 гаруй жилийн өмнө болсон хунтайж Чарльз, Диана Спенсер нарын хурим дэлхийн хамгийн үнэтэй хуримын жагсаалтыг тэргүүлж байна. Ханхүү Чарльз, Диана нар 1981 оны долдугаар сарын 29-нд гэрлэж байжээ. Тэдний хуримыг хүмүүс  "Үлгэрийн хурим", "Зууны хурим" гэж нэрлэдэг. Тус хуримыг  дэлхий даяар  750 гаруй сая хүн үзсэн бөгөөд 3500 хүн биечлэн үзсэн юм. Мэдээллийн дагуу Диана гүнжийн хуримын даашинзыг 10,000 ширхэг сувдаар бүрсэн юм. Хуримын ойг тэмдэглэхийн тулд Их Британи тэр өдрийг үндэсний баяр болгон зарлаж байжээ.