Киргиз Улсын Чолпон-Ата хотноо наймдугаар сарын 31-нээс  есдүгээр сарын 7-ны өдрүүдэд спортын 43 төрөлд зохион байгуулагдаж буй дэлхийн нүүдэлчдийн VI их наадамд үргэлжилж байна. Тус наадмын модон барилдааны төрөлд Монгол Улсын мас-рестлингийн баг тамирчид амжилттай оролцож, хоёр мөнгө, хоёр хүрэл медаль хүртлээ.

Медаль хүртсэн тамирчид:

Эмэгтэйчүүдийн -75 кг-д ОУХМ Д.Баасансүрэн мөнгөн медаль.

Эмэгтэйчүүдийн +75 кг-д ОУХМ Б.Эрдэнэтуяа мөнгөн медаль

Эмэгтэйчүүдийн -55 кг-д спортын дэд мастер М.Анударь хүрэл медаль

Эрэгтэйчүүдийн -70 кг-д ОУХМ Ц.Пүрэвсүрэн хүрэл медаль

Эрэгтэйчүүдийн +90 кг-д Б.Амгаланбаатар V-р байрт оржээ.

   Монголын Мас-рестлингийн баг дөрвөн медальтайгаар дэлхийн нүүдэлчдийн VI их наадмыг амжилттай өндөрлүүллээ. 2028 онд ОХУ-ын Казань хот дэлхийн нүүдэлчдийн VII их наадмыг зохион байгуулахаар болсон байна.