Япон Улсын Айчи муж, Нагояа хотод Азийн зуны спортын 20 дахь наадам энэ есдүгээр сарын 19 –ний өдөр  "хөшиг"-өө нээх билээ. Тус наадамд 45 Үндэсний олимпын хорооны 15 мянга гаруй тамирчин, албаны төлөөлөгч 43 спортын 71 төрөл, 469 багц медалийн төлөө өрсөлдөх бол Монгол Улсаа төлөөлж 31 спортын төрөлд 300 гаруй тамирчин өрсөлдөх юм.

    Энэ өдөр ОУОХ-ны гишүүн, Монголын үндэсний олимпын хорооны ерөнхийлөгч Б.Баттүшиг, ерөнхий нарийн бичгийн дарга Э.Бадар-Ууган нар Азийн наадмыг сурвалжлан ажиллах Монголын спортын сэтгүүлчдийн холбооны гишүүн уран бүтээлч мөн шууд дамжуулалтын телевизүүдэд албан ёсны мандатыг гардуулан өгч амжилт хүсэв. Ташрамд сонирхуулахад 20 дахь удаагийн Азийн наадмыг Монголд албан ёсны эрхтэйгээр ”Сүлд”, “NSports”, “Тэнгэр” телевиз энэ сарын 19-өөс ирэх аравдугаар сарын 5-ны өдөр хүртэл эх орон даяар шууд дамжуулан үзүүлэх юм.