Хятадын Хайнань мужид 2026 оны наймдугаар сарын 21-ний өдөр “10th Eastern Asia Youth Rapid Chess Championship 2026” тэмцээн зохион байгуулагдсан байна. Тус тэмцээнд 14 орны 279 тамирчин оюун ухаанаа сорин 36 багц медалийн төлөө өрсөлдлөө. Монгол Улсаас өсвөрийн 40 тамирчин оролцож хоёр алт, дөрвөн мөнгө, зургаан хүрэл медаль хүртжээ.

    Охидын 18 хүртэлх насны ангилалд “Стейниц” клубийн тамирчин Зоригоо овогтой Нарансолонго тэргүүллээ. Мөн энэ ангилалд “Босоо ноён" клубийн тамирчин WCM Алтанхуяг овогтой Марал гуравдугаар байр эзэллээ. Хөвгүүдийн 16 хүртэлх насны ангилалд “Их заргач” клубийн тамирчин FM Бат-Эрдэнэ овогтой Дүүрэнхишиг дэд байр эзэллээ. Охидын 16 хүртэлх насны ангилалд Сэлэнгэ аймгийн тамирчин WCM Доржсүрэн овогтой Цэлмүүн гуравдугаар байрт шалгарсан байна.

   Хөвгүүдийн 12 хүртэлх насны ангилалд “Босоо ноён” клубийн тамирчин, Цогтбилэг овогтой Ананд зургаан оноогоор дэд байр эзэлжээ. Тэрбээр ижил зургаан оноотой хоёр тоглогчийн нэг болж, нэмэлт үзүүлэлтээр дэд байрт шалгарсан байна. Охидын 12 хүртлэх ангилалд “Босоо ноён” клубийн тамирчин, WCM Идэр овогтой Цэлмүүн эхний өргийн хожигдлын дараа зургаан өрөг дараалан ялж, 6 оноогоор дэд байр эзэлсэн байна.

   Мөн ангилалд “Double rooks”-ийн тамирчин, Бумшүр овогтой Үжин 5 оноогоор гуравдугаар байрт шалгарлаа. Хөвгүүдийн 10 хүртэлх насны ангилалд "Босоо ноён" клубийн тамирчин Баяраа овогтой Энхмандал түрүүллээ. Б. Энхмандал таван хожил, хоёр тэнцээтэйгээр нэг ч хожигдолгүй зургаан оноо авч түрүүлсэн байна. Мөн ангилалд “Double rooks” клубийн тамирчин Ганбатын Цэнгэл гуравдугаар байр эзэлжээ.

   Охидын 10 хүртэлх насны ангилалд “ABChess” клубийн тамирчин Баярхүү овогтой Намуун Дэд байр эзэлжээ. Мөн ангилалд "Босоо ноён" клубийн тамирчин Нямсүх овогтой Нинжбилиг гуравдугаар байр эзэлжээ. Монголын хоёр тамирчин тус бүр таван оноо авсанаас нэмэлт үзүүлэлтээр Намуун дэд байр, Нинжбилиг гуравдугаар байрт шалгарсан байна.Охидын найм хүртэлх насны ангилалд Дэлгэрдалайгийн Номундарь гуравдугаар байрт шалгарчээ.

Медаль хүртсэн хүүхдүүд:

   Зоригоогийн НАРАНСОЛОНГО алт "Стейниц"

Алтанхуягийн МАРАЛ хүрэл "Босоо ноён"

Бат-Эрдэнийн ДҮҮРЭНХИШИГ мөнгө “Их заргач”

Доржсүрэнгийн ЦЭЛМҮҮН хүрэл Сэлэнгэ аймаг

Идэрийн ЦЭЛМҮҮН мөнгө “Босоо ноён”

Цогтбилэгийн АНАНД мөнгө “Босоо ноён”

Бумшүрийн ҮЖИН хүрэл “Double rooks”

Баяраагийн ЭНХМАНДАЛ алт  “Босоо ноён”

Ганбатын ЦЭНГЭЛ хүрэл "Double rooks”

Баярхүүгийн НАМУУН  мөнгө “ABChess”

Нямсүхийн НИНЖБИЛЭГ хүрэл"Босоо ноён”

Дэлгэрдалайн НОМУУНДАРЬ хүрэл Хөвсгөл аймаг.