Тажикистан Улсын Хужанд хотноо 2026 оны наймдугаар сарын 27-ноос, есдүгээр сарын 2-ны өдрүүдэд Төв Азийн аварга шалгаруулах тэмцээн зохион байгуулагдах юм. Монгол Улсын “U16” болон “U19” ангиллын өсвөр үеийн баг, тамирчид дасгалжуулагч Б.Хувьтөгөлдөрийн удирдлага дор Азийн аваргад оролцохоор наймдугаар сарын 24-ний өдөр эх орноосоо мордох гэж байна.Тус тэмцээнд Хөвсгөл, Хэнтий, Дархан-Уул аймаг болон Улаанбаатар хотын нийт найман тамирчин Монгол Улсаа төлөөлөн оролцоно.

    Манай өсвөр үеийн баг тамирчид өмнөх тэмцээнүүдэд багийн болон ганцаарчилсан төрлүүдэд хүрэл медаль хүртэж байсан билээ. Мөн тус багийн бүрэлдэхүүнээс О.Амин-Эрдэнэ, Ү.Өсөх-Ирээдүй нар “Айчи-Нагояа-2026” Азийн наадамд эх орноо төлөөлөн оролцох юм. Тэмцээнд оролцох тамирчдад амжилт хүсэж, Монголын бадминтон сонирхогчдын холбооны ерөнхийлөгч Б.Баттүшиг, тэргүүн дэд ерөнхийлөгч З.Энхмөнх болон Удирдах зөвлөлийн гишүүдийн хамт тамирчид, дасгалжуулагчтай уулзан, амжилт хүсэн бэлтгэлийн хослол гардуулж, үдэн гаргалаа.