АНЭУ-ын Абу Даби хотод 2026 оны  холимог тулааны өсвөр үеийн дэлхийн аваргын тэмцээн гурав дахь өдрөө үргэлжилж байна. ДАШТ "Мубадала арена" ордонд үргэлжилж байгаа юм. Дэлхийн 60 гаруй орны 1200 орчим өсвөрийн тамирчид тус тэмцээнд өрсөлдөж эр зориг, тэсвэр тэвчээрээ сорьж байгаа.

    Тэмцээний “B” ангиллын охидын -40 кг-ын жинд оролцож буй Уранболдын Есүгэн Ангол, ОХУ болон Узбекистан Улсын тамирчидтай нэг хэсэгт багтаж шийдвэрлэх тулаандаа Узбекистаны Шахризода Бекназароваг гарт өчих мэхээр буулган авч хүрэл медалийн болзол хангаж байна. “Omega” клубийн тамирчин У.Есүгэн ийнхүү өсвөрийн ДАШТ-ээс медаль хүртсэн Монгол Улсын хоёр дахь тамирчин болж байна. Өмнө нь 2024 оны өсвөрийн дэлхийн аваргаас А.Мөнгөнзул хүрэл медалийг эх орондоо авчирч байв.