“Кодокан” бол жүдо бөхийг үндэслэгч Жигоро Каногийн 1882 онд байгуулсан, дэлхийн жүдо бөхийн эхлэл болсон нэр хүндтэй институт байгууллага юм. “Кодокан”-ы албан ёсны дангийн зэрэг нь тухайн хүний жүдо бөхийн техник, мэдлэг, дадлага туршлага, сахилга бат болон жүдогийн үнэт зүйлсийг эзэмшсэн түвшнийг баталгаажуулдаг өндөр ач холбогдолтой үнэлгээ билээ.

    Монголын жүдо бөхийн холбоо багш, дасгалжуулагчдаа Япон Улсад сургаж, “Кодокан”-ы сургалт болон албан ёсны дангийн шалгалтад хамруулсан юм. Шалгалтаа амжилттай өгсөн дараах багш, дасгалжуулагчдад Япон Улсын “Кодокан”-аас олгосон дангийн үнэмлэх, сертификатыг гардуулан өглөө.

“Кодокан”-ы 4-р дан:

1. Бат-Эрдэнэ — “Монголын жүдо академи”

Кодоканы 2-р дан:

2. Хурц-Од — “Хоши жүдо” клуб.

Кодоканы 1-р дан:

3. Эрдэнэбаатар — “Түмэн хүчтэн” клуб

4. Амартүвшин — “Легионер”

5. Одханд — “Хоши жүдо” клуб

6. Энхбилэг — “Genco Club USA”

7. Ариунзул — “Тэргүүн хүчтэн”

8. Дарханбаатар — “Качи дожо”

9. Отгон-Эрдэнэ — “Бөх Билэгт” Баянгол клуб

10. Алтанбагана — “One World Judo Club”

11. Идэрхүү — “Genco” клуб

12. Мөнхбаясгалан — “Genco Club USA”

13. Батзул — “Winner” жүдо клуб

    Энэхүү амжилт нь зөвхөн хувь хүний ур чадварын баталгаа бус, “Кодокан” жүдогийн сургалтын арга зүй, философи, ёс зүйн үнэт зүйлсийг Монголын дараагийн үеийн тамирчдад зөвөөр өвлүүлэн түгээх эрхэм үүрэг, хариуцлагын илэрхийлэл юм. Одоо 2 -р ээлжийн багш нар наймдугаар сарын 23-наас эхлэн шинэ элсэлтэд хамрагдахаар Япон Улсыг зорих болно.