Монголын чөлөөт бөхийн холбоо нь 2025 оноос эхлэн Дэлхийн нэгдсэн бөхийн холбооны албан ёсны календарьт багтдаг, дэлхийн чансааны оноо олгох дөрвөн том цуврал тэмцээний гурав дахь тэмцээнийг “Ulaanbaatar Оpen” нэрийн дор эх орондоо амжилттай зохион байгуулж эхэлсэн билээ. Тус тэмцээн энэ жил хоёр дахь удаагаа зохион байгуулагдахад бэлэн болоод байна.

    Энэ удаагийн тэмцээнд дэлхийн 30 орчим орны 400 гаруй шилдэг тамирчид оролцохоор бүртгүүлээд байгаа бөгөөд олимп, дэлхийн аваргууд болон медальтнууд олноороо хүрэлцэн ирж байгаа нь “Ulaanbaatar Open” тэмцээний нэр хүнд, өрсөлдөөний цар хүрээ ямар түвшинд хүрснийг харуулж буй юм.

    Тэмцээн 2026 оны зургадугаар сарын 4-7-ны өдрүүдэд "БУЯНТ УХАА" спортын ордонд зохион байгуулагдана.  “Ulaanbaatar Open” тэмцээний эрэгтэйчүүдийн 57 кг-ын жинд дэлхийн чансааны №1, 2025 оны ДАШТ аварга, Ази тивийн аварга, 2022 оны Азийн наадмын мөнгөн медальт, БНАСАУ тамирчин Хан Чонг Сон ирнэ. Мөн жингийн шилдгүүдийн нэг 2025 оны ОХУ-ын улсын аварга, 2026 оны Европын аваргын мөнгөн медальт, 2022, 2026 оны Иван Ярыгин олон улсын тэмцээний мөнгө, хүрэл медальт ОХУ-ын тамирчин Муса Мехтиханов нар бүртгүүлээд байна.