Бөхийн чөлөөт болон сонгомол барилдааны нэр хүндтэй шүүгч, Дэлхийн нэгдсэн бөхийн холбоо (UWW)-ны Шүүгчдийн комиссын үнэлгээний бүлгийн дарга, олон улсын зааварлагч багш, 2008 оны Бээжингийн олимпын “Алтан шүгэл”-ийн эзэн, Тунис Улсын иргэн Мохамед Камел Баузиз Монголын Чөлөөт бөхийн холбооны урилгаар Монгол Улсад хүрэлцэн ирлээ.

    Тэрбээр 2026 оны тавдугаар сарын 15-17-ны өдрүүдэд олон улсын хэмжээний шүүгчийн мэргэжлийн сургалт, семинарыг удирдан зохион байгуулах юм. Монголын Чөлөөт бөхийн холбоо 2026 оныг “Сургалтын жил” болгон зарласантай холбоотойгоор хэрэгжүүлж буй томоохон ажлуудын нэг нь энэхүү сургалт бөгөөд Монголын шүүгчдийн мэдлэг, ур чадварыг шинэ түвшинд хүргэх, олон улсын түвшний мэргэшсэн шүүгчдийг бэлтгэхэд чухал ач холбогдолтой арга хэмжээ болж байна.