Соёл, спорт, аялал жуулчлал, залуучуудын сайд Ж.Алдаржавхлантай салбар хоорондын хамтын ажиллагааны явц, цаашдын зорилтын талаар санал солилцлоо. Уулзалтын үеэр Монгол Улсын “зөөлөн хүч”-ний бодлогын хэрэгжилтийг эрчимжүүлэх, соёл, аялал жуулчлалын салбарын зорилтыг гадаад бодлоготой уялдуулан хэрэгжүүлэхэд хоёр яамны нягт хамтын ажиллагаа чухал болохыг онцлов.

   Хилийн чанад дахь Дипломат төлөөлөгчийн газрууд, Соёлын элч, Өргөмжит консулуудын үйл ажиллагааг нэгдсэн чиглэл, бодлогоор дэмжиж, үр өгөөжийг нэмэгдүүлэхэд анхаарч ажиллахаар санал нэгдэв.

   Түүнчлэн “ЮНЕСКО”-гийн Дэлхийн өвийн хорооны гишүүнээр анх удаа сонгогдон ажиллаж байгааг тэмдэглэж, олон улсын хамтын ажиллагааны хүрээнд хэрэгжиж буй төсөл, хөтөлбөр, хэлэлцээрийн хэрэгжилтийг хангахад холбогдох байгууллагуудын уялдаа холбоог сайжруулах, Дэлхийн экспо зэрэг гадаадын томоохон арга хэмжээнд Монгол Улсын оролцоог хангах зэрэг асуудлаар ярилцлаа.