Олон улсын холимог тулааны холбоо (IMMAF)-ны Захирлуудын зөвлөлийн санал нэгтэй шийдвэрээр ОХУ-ын Холимог тулааны холбооны гишүүнчлэлийн эрхийг албан ёсоор сэргээлээ. Ингэснээр ирэх наймдугаар сарын 17–23-ны өдрүүдэд Арабын Нэгдсэн Эмират Улсад зохион байгуулагдах 2026 оны өсвөр үеийн дэлхийн аваргын тэмцээнээс эхлэн ОХУ-ын баг тамирчид өрсөлдөх эрхтэй болж байгаа юм.

   Энэхүү шийдвэртэй холбогдуулан Олон улсын холимог тулааны холбооноос ажлын хэсэг томилж ОХУ-ын баг тамирчдыг олон улсын тэмцээнүүдэд үе шаттайгаар буцаан оролцуулах үйл явцыг эхлүүлээд байна.

   Холимог тулааны залуучууд, насанд хүрэгчдийн дэлхийн аваргын тэмцээн энэ оны арваннэгдүгээр сард Гүрж Улсын нийслэл Тбилиси хотод зохион байгуулагдана.

   ОХУ-ын холимог тулаанчид 2022 оны гуравдугаар сарын 1-нээс хойш Олон улсын холимог тулааны холбооны тэмцээнүүдэд оролцоогүй билээ.