Жил бүр уламжлал болгон зохион байгуулагддаг “Морь хурдан уу. Дугуй хурдан уу” тэмцээн энэ жил “Минж занд” ХХК-ийн нэрэмжит болон 2026 оны тавдугаар сарын 16-ны бямба гарагт Хүй долоон худгийн их насны морь уралддаг замд зохион байгуулагдах гэж байна.Дугуйчдын хүсэн хүлээдэг энэхүү өрсөлдөөнд жил бүр 200 гаруй тамирчин хүч сорьдог билээ.

    Тэгвэл энэ удаагийн уралдаанд 2021, 2023, 2024 оны тэргүүн магнай, 25 км замыг ердөө 35 минут 17 секундэд туулж, их насны хурдан морьдоос ч хурдтай гэдгээ баталсан цагийн рекорд эзэмшигч, ОУХМ Б.Марал-Эрдэнийн амжилтыг хэн эвдэх бол. Хурд, тэсвэр, зоригийг сорьсон энэ уралдаанд морь юу, дугуй юу гэдгийг дахин нэг удаа шийдэх мөч айсуй.