Жүдо бөхийн “Душанбэ-2026” их дуулга тэмцээн Тажикистан Улсын Душанбе хотод өчигдөр хоёр дахь өдрөө үргэлжиллээ.  Дэлхийн чансааны оноо олгох олон улсын дөрөв дэх цуврал “Гранд слам” тэмцээний эмэгтэйчүүдийн 63 кг-ын жинд ДАШТ-ий хошой хүрэл медальт, Ази тивийн аварга, МУГТ Лхагватогоогийн Энхрийлэн, ДАШТ-ий хүрэл медальт, Ази тивийн аварга, МУГТ Болдын Ганхайч нар аваргын алтан медалийн төлөө хоорондоо барилдлаа.

   Тус барилдааны үндсэн цагт, манай хоёр тамирчин, хэн, хэнээсээ үнэлгээ авч чадаагүй. Нэмэлт цагт торгуулиар Б.Ганхайч ялж, алтан медаль, Л.Энхрийлэн мөнгөн медаль хүртэв.  Ийнхүү МУГТ Б.Ганхайч хоёр жил дараалан Душанбэгийн их дуулга тэмцээнд түрүүлж, хошой аварга болоод байна.

    Харин эрэгтэйчүүдийн 73 кг-ын жингийн хүрэл медалийн төлөө ДАШТ-ий хүрэл медальт, ОУХМ Л.Анхзаяа, ОХУ-ын бөхөд хожигдож, шагнал тавдугаар байрт орлоо. Манай улсын жүдочид одоогоор хоёр алт, хоёр мөнгө, нэг хүрэл, нийт таван медальтайгаар “Душанбэ-2026” их дуулгыг үргэлжлүүлж байна. Өнөөдөр тэмцээний сүүлийн өдөр хүнд жингүүдийн өрсөлдөөн өрнөж, их дуулга тэмцээн  өндөрлөнө.