Үргэлжлэл:

Эрэгтэйчүүдийн 60 кг-д Б.Сүхбат, 73 кг-д Л.Анхзаяа, О.Уранбаяр, 81 кг-д Б.Шинэтулга, -100 кг-д Б.Хүдэрчулуун, +100 кг-д Ө.Пэрэнлэйжамц нар барилдана. Харин эрэгтэйчүүдийн 66, 90 кг-ын жинд манай улсаас бөх барилдахгүй. Эмэгтэйчүүдийн 48 кг-д Ж.Анударь, 52 кг-д М.Нандин-Эрдэнэ, Ц.Гал-Од, 57 кг-д Т.Ариунзаяа, М.Цэндбазар, 63 кг-д Б.Ганхайч, Л.Энхрийлэн,70 кг-д У.Анужин -78 кг-д О.Хүслэн, +78 кг-д А.Адъяасүрэн, Д.Номинзул нар өрсөлдөнө.

ЭРЭГТЭЙЧҮҮДИЙН 60 КГ-ЫН ЖИНД Б.СҮХБАТ

  “Душанбэ-2026” их дуулгын эрэгтэйчүүдийн 60 кг-ын жинд 18 тамирчин барилдах мэдүүлэг өгсөн байна. Манай улсаас Монгол Улсын дөрвөн удаагийн аварга, ОУХМ Б.Сүхбат барилдана. Тэрбээр “В” хэсгийг толгойлон нэгдүгээр тойргийн барилдаанд гоц мөргөн ялалт байгуулсан байгаа. Хоёрдугаар тойрогт Тажикстаны Loiq KUDBUDINOV-той барилдана.

ЭРЭГТЭЙЧҮҮДИЙН 73 КГ-ЫН ЖИНД Л.АНХЗАЯА, О.УРАНБАЯР

    Эрэгтэйчүүдийн 73 кг-ын жинд 20 тамирчин барилдана. Манай улсаас ДАШТ-ий хүрэл медальт, ОУХМ Л.Анхзаяа, ОУХМ О.Уранбаяр нар хүч сорин өрсөлдөнө. ОУХМ Лавжаргалын Анхзаяа “С” хэсгийг толгойлон нэгдүгээр тойрогт гоц мөргөн ялалт байгуулсан. Хоёрдугаар тойргийн барилдаанд Узбекистан, Киргизстаны бөхчүүдийн хэн ялсантай барилдана. 

Харин ОУХМ Одгэрэлийн Уранбаяр “D” хэсгийг толгойлон нэгдүгээр тойрогт гоц мөргөн ялалт авсан байгаа. Хоёрдугаар тойрогт ОХУ-ын тамирчинд  Karen GALSTIAN-тай барилдана.

ЭРЭГТЭЙЧҮҮДИЙН 81 КГ-ЫН ЖИНД Б.ШИНЭТУЛГА

     Эрэгтэйчүүдийн 81 кг-ын жинд 24 тамирчин барилдана. Манай улсаас залуу тамирчин Бадрахын Шинэтулга “D” хэсгийн нэгдүгээр тойрогт Тажикстаны Bakhtiyor BOZOROV-той өрсөлдөнө. Хэрэв түүнийг ялж чадах юм бол хоёрдугаар тойрогт Нидерландын Joshua DE LANGE-тай таарах юм.

 ЭРЭГТЭЙЧҮҮДИЙН -100 КГ-ЫН ЖИНД Б.ХҮДЭРЧУЛУУН

  Эрэгтэйчүүдийн -100 кг-ын жинд 25 тамирчин барилдана. Манай залуу тамирчин Баярцэнгэлийн Хүдэрчулуун өрсөлдөнө. Тэрбээр “D” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Хятадын Fuchun HUANG-тай барилдана.Хэрэв түүнийг ялж чадах юм бол хэсгийн аваргын төлөө Румын, Казахстан, Тажикстаны бөхчүүдийн хэн ялсантай таарна.

ЭРЭГТЭЙЧҮҮДИЙН +100 КГ-ЫН ЖИНД Ө.ПЭРЭНЛЭЙЖАМЦ

    Эрэгтэйчүүдийн +100 кг-ын жинд 17 тамирчин барилдана. Манай залуу тамирчин Өсөхбаярын Пэрэнлэйжамц хүч сорино. Тэрбээр “D” хэсгийн нэгдүгээр тойрогт Тажикстаны Muhamadrasul DAVLATOV-той таарсан. Хэрэв түүнийг ялж чадах юм бол хоёрдугаар тойрогт ОХУ-ын Bislan KATAMARDOV-тай таарч барилдах юм.