Азийн элсний наадам "САНЬЯА-2026"-гийн элсний бөхийн эмэгтэйчүүдийн +70 кг-ын жинд хүч сорьсон "Хилчин" спорт хорооны бөх, ОУХМ З.Болортунгалаг мөнгөн медаль хүртэв. Тэрбээр чөлөөт бөхийн “U23” насны ДАШТ-ий хошой мөнгө, хүрэл,”U17” насны ДАШТ-ий хошой алт, Ази тивийн хошой алт, “Астана-2023” насанд хүрэгчдийн Ази тивийн аварга шалгаруулах тэмцээний хүрэл медальт Энэтхэгийн Малик Прияад 3:2-оор ялагдаж мөнгөн медаль хүртлээ.