Хүндийн өргөлтийн өсвөр үе, залуучуудын УАШТ-ыг өндөр түвшинд амжилттай зохион байгуулсан Дархан-Уул аймгийн БТСГ-т Монголын хүндийн өргөлтийн холбооноос “Рио-2016”, “Токио-2020”, “Парис-2024” олимпын наадмын албан ёсны түнш, Олон улсын хүндийн өргөлтийн холбооноос баталгаажсан “Жанкунь” (ZKC) брэндийн ком штангийг бэлэг болгон гардууллаа.

   Энэхүү дэмжлэг нь орон нутгийн бэлтгэлийн орчныг сайжруулж, тамирчдын амжилтыг ахиулахад бодит хувь нэмэр оруулах юм. Мөн Дархан-Уул аймгийн дасгалжуулагч А.Нэргүйбаатар-ыг Швейцар Улсын Маколин хотноо зохион байгуулагдах олон улсын сургалт, семинар, хамтарсан бэлтгэлд оролцох эрхээр шагнан урамшууллаа.