ЦЕГ-аас Азийн аваргаас медаль хүртсэн Т.Тулга, Э.Дэлгэрмаа шагнав

2026-04-21, 284

Цагдаагийн ерөнхий газраас чөлөөт бөхийн насанд хүзрэгчдийн Ази тивийн аварга шалгаруулах тэмцээнд амжилттай оролцсон алба хаагчдыг шагнаж, урамшууллаа. Чөлөөт бөхийн насанд хүрэгчдийн Ази тивийн аварга шалгаруулах тэмцээн Киргизстан Улсын Бишкек хотноо 2026 оны дөрөвдүгээр сарын 6-14-ний өдрүүдэд зохион байгуулагдсан.

Тус тэмцээнээс Монгол Улсын гавьяат тамирчин, Цагдаа, дотоодын цэргийн Сургалтын нэгдсэн төвийн “Хүч” албаны бэлтгэлжилтийн хэлтсийн дасгалжуулагч, цагдаагийн дэслэгч Т.Тулга эрэгтэйчүүдийн 70 кг жинд мөнгөн медаль, Монгол Улсын Хөдөлмөрийн гавьяаны улаан тугийн одонт, ОУХМ, мөн хэлтсийн туслах дасгалжуулагч, цагдаагийн дэд ахлагч Э.Дэлгэрмаа эмэгтэйчүүдийн 68 кг жинд хүрэл медаль тус тус хүртсэн билээ.

Монгол Улсынхаа нэрийг олон улсын тавцанд мандуулан албаны нэр хүндийг өндөрт өргөж, амжилт гаргасан алба хаагчдаа Цагдаагийн ерөнхий газрын удирдлагууд өнөөдөр /2026.04.21/ хүлээн авч хүндэтгэл үзүүллээ.

Энэ үеэр цагдаагийн дэслэгч Т.Тулга, цагдаагийн дэд ахлагч Э.Дэлгэрмаа нарын гаргасан амжилт, хөдөлмөр зүтгэлийг үнэлж, “Спортын алдар” тэмдгээр шагнаж, урамшуулав.

ЦЕГ-аас Азийн аваргаас медаль хүртсэн Т.Тулга, Э.Дэлгэрмаа шагнав

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2026-04-21 16:26:04

Зочин: Баахан генерал, хурандаа бөхчингүүдтэй л болох нь дээ янз нь, үндсэн албан тушаалын ажлаа хийдэггүй, хийе ч гэсэн чадваргүй, сул цалин аваад зааланд матрасан дээр л хэвтэж байдаг баахан офицерууд, энэ ч муу шүү
Сэтгэгдэл үлдээсэн: 2026-04-21 12:40:16

цэргийн алба хаагч: Тамирчдад цол нэмж шагнадаг байдлыг хэзээ болиулах вэ???? ........................ энэ олон баастай гүзээнүүдийг чирч тэжээдгээ болих цаг болж бгаам уу