Азийн аварга шалгаруулах тэмцээн холимог багийн тэмцээнээр үргэлжилж байна. Холимог багийн “D” хэсгийг тэргүүлсэн Монгол Улсын шигшээ баг, дөрөвний нэгийн шигшээ барилдаанд Узбекистан Улсын шигшээ багтай барилдаж 4:3-ын харьцаагаар буулган авч алтан медалийн төлөө барилдахаар шалгарч үлдлээ.

    Монголын баг, Узбекистаны багтай 3:3-аар тэнцсан. Манай багаас МУГТ Л.Энхрийлэн, өсвөрийн дэлхийн аварга ОУХМ Т.Ариунзаяа, “Улаанбаатар” их дуулгын аварга О.Уранбаяр нар ялалт авч ялалтын харьцааг 3:3 болгож тэнцүүлсэн юм.

   Нэмэлт барилдааны сугалаа татахад  -70 кг таарч, МУГТ Л.Энхрийлэн өрсөлдөгчөө 30 секундэд цэвэр ялж финалд шалгарав. Алтан медалийн төлөө Казахстан Улсын шигшээ багтай 16:00 цагаас барилдана.