Олон улсын олимпын хороо, Азийн олимпын зөвлөлийн ивээл дор 2026-2027 онд зохион байгуулагдах наадмуудыг угтаж “Хүннү эйр” ХХК-тай олимпын түншлэлийн гэрээ байгуулах ёслол “Олимпик хаус”-т боллоо. Гэрээнд МҮОХ-ны тэргүүн дэд ерөнхийлөгч Ч.Наранбаатар, “Хүннү эйр” ХХК-ийн захирал П.Мөнхжаргал нар гарын үсэг зурав.

    Уг ёслолын ажиллагаанд ОУОХ-ны гишүүн, МҮОХ-ны ерөнхийлөгч Б. Баттүшиг, МҮОХ-ны Гүйцэтгэх зөвлөлийн гишүүн Д. Энхтөр, Г.Ерөөлбат, О. Гүндэгмаа нар байлцав. Энэхүү “Olympic Partner”-ийн гэрээ нь 2027 оныг дуустал үргэлжилнэ.

    Энэ хугацаанд “Хүннү эйр” ХХК нь тивийн наадамд оролцох Монгол Улсын баг тамирчдыг дэмжин чартер нислэг гаргах, хөгжөөн дэмжигч, үзэгч, жуулчдын аялалыг зохион байгуулах юм. Спорт, олимпизмыг хөгжүүлэхэд үнэтэй хувь нэмэр оруулж буй “Хүннү Эйр” ХХК-ий хамт олонд талархал илэрхийлье.