Киргизстан Улсын Иссык-Кульд зохион байгуулагдсан “Гран при Иссык-Күль” олон улсын тэмцээнд “Хубилай хаан” клубийн “U23” ангиллын тамирчид амжилттай оролцлоо.  Тэмцээн 2026 оны дөрөвдүгээр сарын 11–12-ны өдрүүдэд  Киргиз Улсын үзэсгэлэнт Иссык-Күль нуурын эрэг дагуу, Балыкчы хотод зохион байгуулагдах “Grand Prix Issyk-Kul” олон улсын засмал замын дугуйн уралдаанд Монголын тамирчид оролцсон юм.

     Хоёр дахь өдөр болсон 100 км-ийн уулын бөөн гарааны уралдаанд манай тамирчид амжилтаа ахиулж, спортын мастер Ц.Энхпүрэв 2-р байр, СМ И.Билгүүн 5-р байр, СМ Д.Халиунболд 10-р байрт тус тус шалгарлаа. Ингэснээр эхний өдөр алдсан цагийн зөрүүгээ нөхөж, хоёр өдрийн нийлбэр дүнгээр СМ И.Билгүүн 4-р байр, СМ Ц.Энхпүрэв 5-р байр, СМ Д.Халиунболд 7-р байрт шалгарсан байна.

    Тэмцээнд Узбекистан Улсын 23 хүртэлх насны шигшээ баг, Киргизстан Улсын “Локомотив Манас” континенталь баг, “Достук”, “Золотые колёса”, “Cinele team”, ОХУ-ын 23 хүртэлх насны “Татнефть Вело” баг болон Казахстан, Афганистан, БНХАУ зэрэг улсын нийт 53 тамирчин өрсөлдсөн юм.

    Одоогоор манай тамирчид Киргизстан Улсын Бишкек хотод бэлтгэл сургуулилалтаа үргэлжлүүлж байна. Энэ сарын 20-21-ний өдрүүдэд Узбекистан Улсад болох “Гранд Фрикс Фергана” (UCI 2.2 ангилал) тэмцээнд оролцохоор төлөвлөж байна.