Хятадын Хайнан мужийн Саньяа аралд Азийн элсний VI наадам энэ сарын 22-30-ны өдрүүдэд зохион байгуулагдана. Энэ өдөр Олон улсын олимпын хорооны гишүүн, МҮОХ-ны ерөнхийлөгч Б.Баттүшиг тус наадамд өрсөлдөх Монголын баг тамирчдад амжилт хүсч, Монгол Улсын тугийг гардуулан өглөө.

    Тус наадам 14 спортын 15 төрөлд зохион байгуулагдах юм. Монгол Улсаа төлөөлж найман спортын төрөлд 55 тамирчин өрсөлдөх бөгөөд багийн ахлагчаар МҮОХ-ны гүйцэтгэх зөвлөлийн гишүүн Л.Мягмаржав ажиллах юм.

“Саньяа-2026”  Азийн элсний наадамд оролцох Монголын баг тамирчид:

Сагсан бөмбөг 3X3: Эрэгтэй баг 4, эмэгтэй баг 4 тамирчин

Хөнгөн атлетик: 2 тамирчин

Элсний Гандбол: Эмэгтэй баг 10 тамирчин, эрэгтэй баг 7 тамирчин

Триатлон(Акуатлон): 2 тамирчин

Жюү жицү: 12 тамирчин

Текбол: 2 тамирчин

Элсний волейбол: Эмэгтэй баг 4 тамирчин, Эрэгтэй баг 4 тамирчин

Элсний бөх: 4 тамирчин өрсөлдөнө.