“ITF” буюу Олон улсын таеквон-догийн Монгголын Холбооны  "Мөнх хөх сүлд" клубийн тамирчин Ганжаргалын Анударьтай ярилцлаа.  Тэрбээр таеквондо-гоос гадна циркийн жүжигчнээр хоёр дахь жилдээ хичээллэж байгаа.  Циркийн акробатын жүжигчин юм. Мөн тулааны спортын муайтай, холимог тулаан, бокс болон shoot box-оор давхар хичээллэдэг.  Г.Анударь олон улсын таеквондо-гийн УАШТ-ий гурван алт, хоёр хүрэл медальтай. Таеквондо-гийн олон улсын тэмцээнэээс  хоёр алт, нэг мөнгө медаль хүртэж байсан.  Шүүтбоксын улсын аварга.  Муайтай боксын улсын аваргын алтан медальтай. Гардан тулааны “Сонсогчийн алдар”  тэмцээнээс мөнгөн медальтай.  Холимог тулааны УАШТ-ээс хүрэл медаль хүртэж байсан.

–Миний дүү өөрийгөө танилцуулахгүй юу?

     -Та сайн байна уу. Намайг Ганжаргалын Анударь гэдэг.

–Аль аймаг, хотод төрсөн хүүхэд вэ?

      -Би Улаанбаатар хотод төрж, өссөн.

–Бага нас нь хаана өнгөрсөн бэ?

      -Миний бага нас Завхан аймгийн Цагаанхайрхан суманд өнгөрсөн.

-Багадаа хэр хөдөлгөөнтэй охин байсан бэ?

     -Би багадаа гүйж, үсэрч, харайсан, хөдөлгөөн нь дийлдэггүй, сахилгагүй охин байсан гэсэн. Юм болгоны дээр авирч, мацаад гаргачихдаг байсан гэж аав, ээж хоёр ярьдаг.

 –Танай гэр бүлд чамаас өөр  спортоор хичээллэдэг хүн бий юу?

       -Гэр бүлээсээ ганц спортоор хичээллэж яваа нь би байгаа юм. Аав, ээж хоёр багадаа , дунд сургуульд  байхдаа спортоор хичээллэдэг байсан байж магадгүй. Тэр талаар асууж байгаагүй юм байна шүү.  Одоо бол манай гэр бүлд надаас өөр спортоор хичээллэдэг хүн байхгүй.

-Одоо хэдэн настай вэ?

     -Би одоо 22 настай.

 -Таеквондо-гоос гадна өөр тулааны спортоор давхар хичээллэдэг юм уу?

       -Тийм ээ, таеквондогоос гадна циркийн жүжигчнээр хоёр дахь жилдээ хичээллэж байгаа.  Циркийн акробатын жүжигчин хийдэг. Мөн тулааны спортын муайтай, холимог тулаан, бокс болон shoot box-оор давхар хичээллэдэг.

–Ямар сургуулийн хэд дүгээр курсийн оюутан бэ?

      -2023 онд МУИС-ийн харьяа коллежийг төгссөн.

-Анх яагаад таеквондо-гийн спортыг сонгож хичээллэх болсон бэ?

    -Анх манай хамаатны дүү таеквондогоор хичээллэж эхэлсэн юм. Дүүгээ дагаж  бэлтгэл хийхийг нь очиж үзсэн юм. Тэгсэн таеквондо их гоё сонирхолтой санагдса. Тэгээд  л сонирхолдоо хөтлөгдөн таеквондогоор  хичээллэж эхэлсэндээ.

-Одоо хэд дэх жилдээ таеквондо-гоор хичээллэж байгаа вэ?

     -“ITF” буюу Олон улсын таеквондогийн  спортоор долоо дахь жилдээ хичээллэж байна.

–Анх таеквондо заасан багш нь хэн бэ?

      -Олон улсын таеквондогийн шигшээ багийн ерөнхий дасгалжуулагч, "Мөнх хөх сүлд" клубийн багш, ОУХМ Доржпаламын  Аюурзана их мундаг хүн бий. Тэр дасгалжуулагчийн шавь даа.

–Таеквондо-гийн спортын ямар зэрэг цолтой тамирчин бэ?

      -Олон улсын таеквондо-гийн хар бүс,  олон улсын нэгдүгээр дантай. Спортын дэд мастер цолтой. Харин шүүтбоксын хар бүс “С” ангилалтай.

–Тулаанаас  өмнө багадаа  өөр спортын төрлөөр хичээллэж байсан уу?

       -Ерөнхий боловсролын дунд сургуулийн бага ангийн сурагч байх үедээ өөр спорт сонирхдоггүй  байсан.  Тийм болохоор  өөр спортын төрлөөр хичээллэж байгаагүй. Харин дунд ангид ороод 14 наснаасаа хойш спортод хөл тавьсан.

 –Таеквондо болон бусад тулааны спортоор гаргасан амжилтуудаасаа танилцуулахгүй юу?

       -Таеквондогийн УАШТ-ий гурван алт, хоёр хүрэл медальтай. Таеквондогийн олон улсын тэмцээнэээс  хоёр алт, нэг мөнгө медаль хүртэж байсан.  Шүүтбоксын улсын аварга болж байлаа.  Муайтай боксын улсын аваргын алтан медальтай. Гардан тулааны “Сонсогчийн алдар”  тэмцээнээс мөнгөн медальтай.  Холимог тулааны УАШТ-ээс хүрэл медаль хүртэж байсан.

 -Сэтгэлд тань хоногшин хамгийн сайхан дурсамж үлдээсэн ямар тэмцээн байдаг вэ?

     -Бүх тэмцээн л дурсамжтай сайхан санагддаг .  Онцолвол 2024 оны таеквондогийн УАШТ-ий үеэр дэвжээн дээр тулаан хийж байхдаа өрсөлдөгчөө огт санамсаргүйгээр  өвдөгөөрөө цохилт хийж,  торгуульж байсан. Олон тулааны спортоор хичээллэхээр тулааны үед рефлексээр өвдөг, тохойны цохилт хийчэх тохиолдол гардаг.  Тулааны спорт болгон өөр, өөр дүрэмтэй шүү дээ. Тэднийг нь хооронд нь хольж, солих гээд байдаг тал бий.

–Таеквондо-гоор хичээллэхийн хамгийн сайхан мэдрэмж нь юунд байдаг вэ?

       -Таеквондогоор хичээллэхийн хамгийн гоё мэдрэмж нь дуслуулсан хөлс бүрээ үнэлүүлэх амжилт гарган, медаль хүртэх л сайхан байдаг.

 -Ямар тамирчдаас үлгэр дуурайл авдаг вэ?

     -Оросын Холбооны Улсын тамирчин Евгений Оцимикийн тулааны арга барил, техник нь надад таалагддаг. Тийм болохоор түүнээс үлгэр дуурайл авахыг хичээдэг.

 –Таеквондо-гийн тулаан, түль, хатуу биетийн  төрлийн алинд илүү дуртай вэ?

       -Надад Олон улсын таеквондогийн түль, хатуу биет хугалах төрлөөс илүүтэйгээр тулааны төрөл нь гоё санагддаг. Тулааны төрөлд дуртай.

-Чөлөөт цагаараа тулааны спортоос гадна өөр юу хийх дуртай вэ?

     -Бэлтгэл, сургуулилалтгүй чөлөөт цаг гарсан үед зураг зурах дуртай.

-Одоо энэ 2026 онд оролцох ямар тэмцээнүүд хүлээж байгаа вэ?

      -2026 онд УАШТ болон Таеквондогийн Ази тивийн аврга шалагруулах тэмцээн хүлээж байна даа.