Киргизстан Улсын  Бишкек хотод   чөлөөт бөхийн “Бишкек-2026”  Азийн аварга шалгаруулах тэмцээний  чөлөөт бөхийн эмэгтэйчүүдийн төрөл өндөрлөв. Монгол Улсаас арван эмэгтэй тамирчин хүч сорьсон. Тэд энэ удаагийн Азийн аваргаас нэг алт, нэг мөнгө, гурван хүрэл, нийт таван медаль хүртлээ. Мөн манай хоёр тамирчин, хүрэл медалийн төлөө өрсөлдөж шагналт тавдугаар байрт шалгарч,  эмэгтэй бөхчүүд маань багийн дүнгээр хүрэл медаль гардан авлаа.

    Эмэгтэйчүүдийг  багийн дүнгээр Хятад тэргүүлж, Япон удаалсан бол манайх гуравдугаарт эрэмлэгдэв. Харин Монгол Улсын араас  Киргизстан, Энэтхэг, Узбекистан зэрэг орнууд бичигдсэн.

Манай тамирчдаас 76 кг-ын жинд ОУХМ Э.Даваанасан алтан медаль,

57 кг-д ОУХМ Б.Хулан мөнгөн медаль,

55 кг-д О.Ариунзаяа

62 кг-д МУГТ С.Цэрэнчимэд

68 кг-д ОУХМ Э.Дэлгэрмаа нар хүрэл медаль хүртлээ.

Харин 59 кг-ын жинд ОУХМ Х.Болортуяа, 72 кг-ын жинд Э.Одгэрэл нар тавдугаар байрт шалгарч, бахдам амжилтыг гаргалаа.