Киргизстан Улсын Бишкек хотод сонгомол болон чөлөөт бөхийн Азийн аварга шалгаруулах тэмцээн үргэлжилж байна.  Энэ үеэр  Азийн бөхийн холбооны ээлжит хурал болж, Удирдах зөвлөлөөс Монголын чөлөөт бөхийн холбооны ерөнхий нарийн бичгийн дарга Б.Мянганбаярыг Зүүн Азийн бүс хариуцсан төлөөлөгчөөр сонгожээ. Ингэснээр Монгол анх удаа Зүүн Азийн бүсийг төлөөлөн ажиллах болж байна.  Зүүн Азийн бүсэд Монгол, Солонгос, Хойд Солонгос, Япон, Хятад, Хонконг, Тайвань, Макао, Гуам гэсэн есөн оронд багтдаг аж.