Боксын Ази тивийн аварга шалгаруулах тэмцээний хагас финалын тулаанууд амжилттай болж өнгөрлөө. Аваргын төлөө тулалдахаар үлдсэн 40 шилдэг боксчдын дотор Монголын боксчин Энх-Амгалангийн Номундарь (48кг), Хархүүгийн Билгүүнсайхан (55кг) нар байна.

    Азийн аваргад  оролцогч улсуудаас 11 орны боксчид аваргын төлөө тулалдахаар шалгарчээ. Үүнд олимпын аварга,  дэлхийн хоёр удаагийн аварга Тайваны Лин Юу Тин,  дэлхийн аварга Казахстаны Санжар Ташкенбай, Азийн аварга Римма Волосенко нар хоосон үлдсэн байна.

    Дэлхийн аварга Казахстаны  Махмуд Сабирхан, дэлхийн аваргын хүрэл медальт Казахстаны Ердуган Зейнулинов, Японы Шансуке Китамото, Солонгосын Аежи Им, ИБА дэлхийн аварга, олимпийн хүрэл медальт Энэтхэгийн Ловина Боргохайн нарын бусад олон алдартнууд хүрэл медалийн болзол хангажээ.

   Харин аваргын төлөө тулалдахаар олимп, дэлхийн аварга Хятадын Юү Вү, дэлхийн хоёр удаагийн аварга Тайваны Хсиао Вен Хуанг, дэлхийн аварга Энэтхэгийн Жасмине Ламбориа, олимпын хүрэл медальт, дэлхийн аварга Тайваны Ниен Чин Чиен байна.

   Дэлхийн аваргын хүрэл медальт Казахстаны  Надежда Рябец, Узбекистаны  Азиза Зокирова,  дэлхийн аваргууд Казахстаны  Оразбек Ассилкудов, Торехан Сабирхан, Айбек Оралбай, олимпын мөнгөн медальт, дэлхийн аварга Нурбек Оралбай, дэлхийн аваргын мөнгөн медальт Казахстаны Сабиржан Аккаликов, дэлхийн аварга Узбекистаны Фазлиддин Еркинбоев нар  шалгарчээ. Маргааш буюу дөрөвдүгээр сарын 9-ний өдөр эмэгтэй финалын тулаанууд,  дөрөвдүгээр сарын 10-ны өдөр  эрэгтэй финалын тулаанууд явагдана.